>
Суд Петрыкаўскага
раёна асудзіў 7 чэрвеня жыхара Мазыра за тоё, што ён няўдала хацеў адкаркаваць
пляшку алкагольнага напою з дапамогай помніка ў гарадскім парку. Гэты дзеянні суд расцаніў як хуліганства паводле ч. 1 арт. 339 Крымінальнага кодэкса.
Па матэрыялах
абвінавачання, грамадзянін П., “груба парушаючы грамадскі парадак і выказваючы
відавочную непавагу да грамадства, грэбуючы грамадскай мараллю, і выяўляючы ў
сваіх злачынных дзеяннях выключны цынізм, наўмысна нанёс два ўдары бутэлькай з алкагольным
напоем па памятнай пліце з надпісам, прысвечанай воінам 55-й Мазырскай
Чырванасцяжнай стралковай дывізіі і Дняпроўскай ваеннай флатыліі, разбіўшы яе,
у выніку чаго, частка змесціва бутэлькі вылілася на паверхню памятнай пліты”.
У судзе
абвінавачаны патлумачыў, што ніякога цынізму і пагардлівага стаўлення да
помніка ў яго не было. Распавёў, што
вечарам сустрэўся са сваёй даўняй сяброўкай у гарадскім парку. Каб адзначыць
сустрэчу – узялі 2 пляшкі лёгкага напою. Аднак калі дзяўчына не змагла
адкаркаваць бутэльку – ён спрабаваў дапамагчы ёй, скарыстаўшыся вострым вуглом
помніка. У выніку чаго бутэлька разбілася.
Ягоная сяброўка,
якая вядзе сваю старонку ў Інстаграм, дзе больш за 600 падпісчыкаў, зняла гэтыя
дзеянні на відэа і змясціла ў сацыяльных сетках. Праз некаторы час відэа
ўбачылі супрацоўнікі міліцыі і патэлефанавалі ёй. Мазырчука неўзабаве
затрымалі.
Суддзя Алег
Касцючэнка прыйшоў да высновы, што мела месца наўмыснае апаганьванне памятнага
гістарычнага знака і пакараў мужчыну арыштам на два месяцы.
