Жыхар Нараўлянскага раёна замініраваў будынак ДАІ ў Мазыры

Жорж Кунцэвіч 02.08.2022

>

У Нараўлянскім раёне затрымалі мясцовага жыхара, які патэлефанаваў у міліцыю з ілжывым паведамленнем аб мінірававанні будынка ДАІ, паведамляе МУС.

Тэлефонны званок аб небяспецы паступіў 28 ліпеня ў Мазырскі РАУС. Трывога апынулася ілжывай - выбуховай прылады ў МРЭА мясцовай ДАІ не выявілі.

Супрацоўнікі ўласнай бяспекі МУС устанавілі, што тэлефонным хуліганам апынуўся 19-гадовы жыхар Нараўлянскага раёна. Яго затрымалі пры падтрымцы СОБРа на наступны дзень, піша “Зеркала”. 

Па словах падазраванага, ён не здаў унутраны экзамен у аўташколе ДТСААФ, а бацькам схлусіў. Маўляў, выпрабаванне прайшоў - пацвердзіць званне кіроўцы заставалася толькі ў ДАІ.

Ён разумеў, што хлусня ўскрыецца, таму рашыўся на крайнія меры. Папрасіў у прахожай жанчыны тэлефон і паведаміў пра мініраванне.

У дачыненні да затрыманага ўзбуджаная крымінальная справа па факце заведама хлуслівага паведамлення аб небяспецы.

Хто яны, рэчыцкія "экстрэмісты"?

Жорж Кунцэвіч 21.07.2022