>
Дзіўную матэматычную задачу задаў нядаўна чытачам мазырскай раёнкі
“Жыццё Палесся” генеральны дырэктар ААТ “Мазырсоль” Уладзімір Дворнік.
У сваім інтэрвію з нагоды 40-годдзя з дня выпуску першай прадукцыі мазырскімі салеварамі, чыноўнік адзначыў, што сёння 20% вырабленай у Беларусі солі паступае на
беларускі рынак.
“Доўгі час удзельная вага ўкраінскай солі ў Беларусі быў
нават вышэй нашага. Народ гэтую соль палюбіў, але сёння яна пакінула наш рынак,
і мы пакрылі гэты аб'ём. У Расею паступае 70%, астатнія 10% - гэта былыя саюзныя
рэспублікі Сярэдняй Азіі”, – апелюе лічбамі Уладзімір Дворнік.
Але далей спадар Дворнік заблытаўся ва ўласных разліках і распавёў чытачам, што з лютага (2022 года) па вядомых прычынах зачынілася Украіна,
куды прадавалі каля 20% ад аб'ёму вытворчасці мазырскай солі.
“Паступова аднаўляецца ранейшы ўзровень паставак у іншыя
краіны, якія раней адмовіліся ад нашай солі: Польшчу, краіны Балтыі, Малдову –
усё-ткі эканоміка бярэ сваё, усе лічаць свае выдаткі”, – заяўляе кіраўнік аб’яднання.
І ў чым тут “соль” пытання? Усё проста: столькі солі ў сто
адсоткаў ад вырабленай у Мазыры аніяк не ўкладаецца ў пераможны рапарт Дворніка.
Застаецца дадаць, што мазырская соль з-за высокага сабекошту
прадукцыі на знешніх рынках –самая дарагая.
“Трэба было пускацца на розныя хітрыкі перад спажыўцамі” –
рэзюмуе кіраўнік.
