Мазырскі райаддзел Следчага камітэта ўзбудзіў крымінальную справу аб абразе прадстаўніка улады ў дачыненні да памочніцы выхавальніка дзіцячай дашкольнай установы. Прозвішча затрыманай не называецца.
На памочніка выхавальніка завялі справу за "абразу прадстаўнікоў улады". Паводле звестак следства, 29-гадовая жыхарка Мазыра была падпісаная на "некалькі экстрэмісцкіх Telegram-каналаў, якія размяшчаюць асабістыя звесткі работнікаў дзяржаўных структур".
Жанчыну абвінавачваюць у напісанні са снежня мінулага года па люты бягучага "не меней за 12 паведамленняў з выкарыстаннем ненарматыўнай лексікі і "абразлівымі хамскімі каментарамі" на адрас міліцыянтаў, работнікаў пракуратуры і суддзяў.
Нянечку
заключылі пад варту, ёй інкрымінуюць адразу два артыкулы Крымінальнага кодэкса:
арт. 391 (Абраза суддзі або народнага засядацеля) і арт. 369 (абраза
прадстаўніка ўлады) КК РБ. "Правяраецца дачыненне жанчыны да іншых эпізодаў
супрацьпраўнай дзейнасці", -
заявілі мазырскія следчыя.
