Хто яны, рэчыцкія "экстрэмісты"?

Жорж Кунцэвіч 21.07.2022

>>

У спіс грамадзян Беларусі, датычных да экстрэмісцкай дзейнасці, за перыяд з 23 сакавіка па 15 ліпеня 2022 года ўнесеныя прозвішчы ажно 12 жыхароў Рэчыцкага раёна.

Спіс аднаўляецца на сайце МУС Беларусі амаль штотыднёва. 

Значная частка рэчычан была абвінавачая ў арганізацыі і падрыхтоўцы дзеянняў, якія груба парушылі грамадскі парадак альбо ў актыўным удзеле ў такіх дзеяннях (ч.1 арт. 342 Крымінальнага кодэкса). Гэта Максім Елканаў, Валерый Казей, Ганна Васільева з Азершчыны і Дзмітрый Брэль.

Таксама падставай для ўнясёння ў “экстрэмісцкі спіс” можа стаць асуджэнне за абразу прадстаўніка ўлады (арт. 369) альбо абразу прэзідэнта Беларусі (ч. 1 арт 368 Крымінальнага кодэкса): Валер Сенечка,  Арцём Грыб з Азершчыны, Віктар Несцераў, Людміла Хлусевіч, Аляксандр Гладкіх і Уладзімір Міхалко.

У гэтым спісе прозвішча яшчэ аднага жыхара Рэчыцы – Канстанціна Міхальцова, які быў асуджаны адразу па трох артыкулах: ч. 1 артю 342, арт. 364 ( гвалт альбо пагроза прымянення гвалту ў дачыненні да супрацоўніка органаў унутраных спраў) і ч.1 арт. 368 КК.

12 кастрычніка 2021 года прынята пастанова Савета Міністраў №575 "Аб мерах процідзеяння экстрэмізму і рэабілітацыі нацызму».  Гэтая пастанова рэгламентуе парадак прызнання груп грамадзян, якія ажыццяўляюць экстрэмісцкую дзейнасць, у тым ліку з выкарыстаннем месенджараў і сацсетак, экстрэмісцкімі фарміраваннямі. Ад таго часу і з’явіўся гэты спіс.

 

Хто яны, рэчыцкія "экстрэмісты"?

Жорж Кунцэвіч 21.07.2022