«Ты хочаш працаваць?» Збор подпісаў за Лукашэнку ў дзіцячай паліклініцы ў Рэчыцы (ВІДЭА)

Андрусь ГАЁВЫ 03.06.2020

Супрацоўніца дзіцячай паліклінікі ў Рэчыцы зняла відэа збору подпісаў за вылучэнне кандыдатам на выбарах прэзідэнта дзейнага кіраўніка дзяржавы Аляксандра Лукашэнкі. 

Дзеянне адбываецца проста ў памяшканні рэгістратуры медычнай установы. Супрацоўнікі, якія запаўняюць падпісныя лісты, абмяркоўваюць, што пісаць у графе «пашпартныя дадзеныя». Пры гэтым чуваць рэпліку: «Ды хто іх будзе правяраць, гэтыя спісы?!» 


На заўвагу аўтаркі відэа, што тое, што адбываецца, супрацьзаконна, ёй кажуць: «Ты хочаш працаваць?» І дадаюць: «Я хачу да пенсіі дапрацаваць».