>
Праўладныя каналы, звязаныя з карнымі падраздзяленнямі лукашэнкавага рэжыму, паведамілі пра затрыманне жыхаркі Рэчыцы, рамесніцы Наталлі Белай.
Жанчыну
прымусілі прызнавацца на відэа ў тым, што яна пасля пачатку палітычных
рэпрэсіяў у ходзе перадвыбарчай кампаніі 2020 года ўдзельнічала ў ланцугах
салідарнасці, у сеціве рабіла рэпосты і ставіла падабайкі, была падпісаная на «экстрэмісцкія» каналы, адпраўляла фота ў
чат-бот канала «Рэальная Беларусь». Усё гэта карнікі падаюць як неякія злачынствы.
Насамрэч,
удзел у ланцугах салідарнасці – гэта рэалізацыя права на мірны сход і
выказванне меркаванняў. Рэпосты, падабайкі, падпіска на любыя крыніцы
інфармацыі, а таксама дасыланне туды любой інфармацыі і выяваў – гэта рэалізацыя
права збіраць і распаўсюджваць інфармацыю. Абодва гэтыя правы ад нараджэння мае
кожны чалавек, паводле Усеагульнай дэкларацыі правоў чалавека і Міжнароднага
пакта аб грамадзянскіх і палітычных
правах. Але, варта памятаць, што ва ўмовах прававога дэфолту, створанага
прыспешнікамі Лукашэнкі дзеля забеспячэння ўтрымання ім улады, аніякія правы
людзей у Беларусі не дзейнічаюць.
Так
званае «пакаяльнае відэа» з Наталляй Белай знята ў адным з памяшканняў лукашысцкіх
карных структураў. У пісьмовым подпісе да відэа жанчыне пагражаюць зняволеннем
і падаюць датычна яе абразлівыя словы.
Калі
вам стала вядома пра затрамынне карнымі структурамі лукашэнкавага рэжыму вашага
сваяка, блізкага ці знаёмага чалавека, а таксама для атрымання кансультацыяў
аб дзеяннях, якія можна прадпрыняць у
такім выпадку, паведамляйце ў мэсэджары Тэлеграм @hajovy, @lamunieca альбо ў
чат-бот Праваабарончага цэнтра «Вясна» ў Тэлеграме @viasna_bot.
