>
Як стала вядома журналістам Палескай Вясны зараз карнікі з’явіліся ў кватэры мазырскага праваабаронцы Уладзіміра Целепуна.
Уладзімір
Целяпун быў кіраўніком Мазырскай філіі Праваабрончага цэнтру «Вясна» да абвяшчэння
інфарэсурсаў арганізацыі экстрэмісцкімі. Пасля
гэтага Целяпун пачаў займацца адстойваннем правоў чалавека ў Мазырскім рэгіёне
самастойна.
Нядаўна ён накіраваў зварот на імя старшыні Мазырскага
райвыканкама Алены Паўлечка і
старшыні райсавета дэпутатаў Галіны
Кудзінай. Яго ён прымеркаваў да Дня Канстытуцыі і набыцця моцы зменамі і
дапаўненнямі, прынятымі на так званым рэферэндуме. Таксама звяртаў увагу на выкарыстанне
тэрыторыі раёна для вядзення агрэсіўнай вайны супраць Украіны. Ці звязаны гэты
ператрус з гэтым зваротам – невядома.
Днямі ў Мазыры затрымалі некалькі чалавек, якіх
абвінавачваюць у намерах шкодзіць расійскую ваенную тэхніку. Магчыма ператрус звязаны
з гэтай крымінальнай справай.
