На цяперашні
момант пацверджана інфармацыя пра ператрусы і затрыманні самамала дваіх
чалавек.
Зраніцы карнікі прыйшлі да праваабронцы, кіраўніка Мазырскай філіі Праваабарончага цэнтра «Вясна» Уладзіміра Целепуна. Яны правялі ператрус у прыватным бацькоўскім доме, дзе Целяпун робіць рамонт і часова жыве, а потым паехалі на кватэру, дзе ён зарэгістраваны, і ператрусілі яе. Падчас ператрусаў забралі кампутар і тэлефон, а таксама розную друкаваную прадукцыю – плакаты, паштоўкі, кнігі, дзе прысутнічалі згадкі аб праваабарончым цэнтры «Вясна».
Уладзімір ЦЕЛЯПУН.
Пасля гэтага Уладзіміра Целепуна звезлі на допыт. Станам
на 14 гадзін яго вызвалілі. Падрабязнасці допыту, а таксама тое, што за
структура карнага апарату рэжыма выконвала аперацыю, пакуль невядома.
Прыкладна а 7-й гадзіне раніцы карнікі таксама ўварваліся ў хату кіраўніка Рэчыцкай суполкі партыі БНФ Алега Карбалевіча ў вёсцы Перасвятое каля Рэчыцы. Яны зрабілі ператрус, забралі стацыянарны кампутар. Мабільных тэлефонаў з выхадам у інтэрнэт у Карбалевіча не было. Самога яго затрымалі і звезлі. Пазней ён здолеў паведаміць жонцы, што яго вязуць у Светлагорск.
Алег КАРБАЛЕВІЧ.
У Светлагорску размешчаны міжраённы аддзел Дэпартамента фінансавых расследаванняў, у зоне адказнасці якога знаходзіцца і Рэчыцкі раён. Менавіта там і дапытвалі Алега Карбалевіча. Пытанні тычыліся таго, ці атрымліваў Карбалевіч аплату за назіранне на леташніх выбарах і за адзін выпадак, калі ён хадзіў у якасці слухача на палітычна матываваны суд у Рэчыцы. У забраным кампутары карнікі знайшлі ліставанне з журналістам Палескай Вясны і сябрам Карбалевіча Андрусём Гаёвым, які прасіў Карбалевіча схадзіць на палітычна матываваны суд і потым распавесці ягоныя вынікі. Карнікі выпытвалі ці плаціў журналіст Карбалевічу за гэта грошы.
