У Рэчыцы, Калінкавічах і Светлагорску працягваецца хваля ператрусаў

Палеская Вясна 13.07.2021

Сілавікі не спыняюцца ў палітычным пераследзе нязгодных з дзеяннямі ўладаў.

Як стала вядома Палескай Вясне ад актывістаў, некалькі дзён таму ў Калінкавічах міліцыянты правялі ператрус у доме бацькоў Віктара Пырко. Ён летась дапамагаў у якасці валанцёра чальцам ініцыятыўнай групы па вылучэнні Святланы Ціханоўскай кандыдаткай на прэзідэнта на пікетах па зборы подпісаў, а таксама падчас арганізацыі агітацыйных пікетаў. З дома бацькоў забралі кампутар і тэлефоны.

У Светлагорску каля дома аднаго з жыхароў горада ад самай раніцы 13 ліпеня дзяжураць нейкія людзі ў цывільным. Самога яго няма дома, але на невядомых звярнулі ўвагу суседзі, якія і паведамілі гаспадару. Раней светлагорца прыцягвалі да адказнасці за рэалізацыю права на мірныя сходы і выказванне меркаванняў.  

Дзяніс ШЫЛЯНОК. 

Пасля абеду 13 ліпеня міліцыянты прыйшлі і да прадпрымальніка Дзяніса Шылянка ў Рэчыцы. Раней яго некалькі разоў каралі зняволеннем паводле артыкула 23.34. Апошні раз у траўні яго затрымалі ў Гомелі ў парку і прысудзілі арышт на 25 сутак нібыта за несанкцыянаванае пікетаванне. Увагу карных органаў прыцягнула майка з выявай афіцыйнага герба Рэчыцы, на якім асноўным элементам з’яўляецца Пагоня. Зараз міліцыянты прад’явілі пастанову аб ператрусе ў межах крымінальнай справы паводле артыкула 289 «Акт тэрарызму»