>
Сілавікі зрабілі справаздачу аб затрыманні як мінімум сямі
чалавек у Брагіне, Хойніках і Камарыне на паўднёвым усходзе Гомельскай
вобласці. Відэа з затрыманымі апублікаваў адзін з мясцовых праўладных
каналаў, піша «Медыязона».
Чатыры з іх людзі пенсійнага веку. Яны мелі падпіскі на незалежныя рэсурсы ў Аднакласніках.
Як сцвярджаюць аўтары канала, усіх затрыманых
абвінавачваюць па адміністрацыйным артыкуле аб распаўсюдзе «экстрэмісцкіх»
матэрыялаў (артыкул 19.11 КаАП). На відэа затрыманыя кажуць, што былі
падпісаныя на «экстрэмісцкія» тэлеграм-каналы і старонкі ў «Аднакласніках».
За падпіскі людзей затрымлівалі супрацоўнікі АМАПа са
зброяй і ў экіпіроўцы. Некаторых затрыманых, мяркуючы з відэа, прымушалі легчы
тварам у падлогу, у машыну сілавікоў іх выводзілі ў кайданках з рукамі за
спінай. . Аднога з затрыманых у РАУС дастаўляюць у споднім.
