>>
Гомельскае абласное ўпраўленне капітальнага будаўніцтва праводзіць выбар генеральнай праектнай арганізацыі на будаўніцтва комплексу
будынкаў і збудаванняў Петрыкаўскага РАУС. Для яго будаўніцтва выдзелена
тэрыторыя плошчай 1,63 га, піша “Флагшток”.
У двухпавярховым адміністрацыйным будынку агульнай
плошчай 2,9 тыс.м2 плануюць размясціць: інспекцыю па справах
непаўналетніх, крымінальна-выканаўчую інспекцыю, аператыўна-дзяжурную службу,
аддзел па грамадзянстве і міграцыі, аддзел ДАІ. Адміністрацыйны будынак
прызначаны для працы 93 супрацоўнікаў. Акрамя рабочых кабінетаў, тут размесцяць
музей, спартзалу, залу для пасядждэннящ на 94 чалавек і іншыя дапаможныя
памяшканні.
Непасрэдна ў гэтым жа будынку будзе размешчаны і ізалятар часовага ўтрымання. У ІЧУ будзе 8 камер, прызначаных для размяшчэння 24 чалавек, а таксама аднамесныя карцэр і ізалятар.
На тэрыторыі комплексу таксама размесцяць гаражы для
грузавога і легкавога спецтранспарту, навесы для аўтамабіляў, стаянкі для
канфіскаваных транспартных сродкаў і наведвальнікаў, цір, пляц, дзве спартыўныя
пляцоўкі і іншыя дапаможныя збудаванні.
Дадзенае РАУС стане найбуйнейшым міліцэйскім будынкам у
раённым горадзе Гомельскай вобласці. Каштарысны кошт будаўніцтва комплексу
складае 16,1 млн. рублёў,
што на сённяшні дзень складае амаль 5 млн. долараў.
І гэта пры тым, што
насельніцтва выміраючага зараз Петрыкаўскага раёна напачатку 2023 года складала
ўсяго 25 тысяч чалавек.
