>
Беларускія ўлады рыхтуюцца да прыбыцця 20 тысяч вайскоўцаў, мабілізаваных у Расійскай Федэрацыі, паведамляе Галоўнае ўпраўленне разведкі Міністэрства абароны Украіны.
Мабілізаваныя павінны папоўніць дыслакаваныя ў
Беларусі расійскія войскі. Колькасць расійскіх войск у Беларусі пры
гэтым павялічыцца ў 5 разоў.
Для размяшчэння плануецца выкарыстоўваць існуючыя ваенныя
фонды, а таксама грамадзянскія памяшканні і будынкі. Для гэтых патрэб
перадаюцца склады, ангары і іншыя памяшканні закінутых сельскагаспадарчых
прадпрыемстваў і ферм. Адпаведныя даручэнні дадзены беларускаму вайсковаму кіраўніцтву
і мясцовым уладам.
Пасля павялічэння штату расійскія падраздзяленні будуць
выкарыстоўваць расійскую вайсковую тэхніку са складоў на тэрыторыі Беларусі. Яе
таксама плануецца ўзмацніць за кошт тэхнікі і ўзбраення, знятых з захоўвання на
тэрыторыі РФ. Недахоп тэхнікі для перавозкі асабовага складу расійскіх войск
плануецца папоўніць за кошт мабілізацыі грамадзянскіх грузавых і легкавых
аўтамабіляў.
Улады РБ таксама далі ўказанне праваахоўным органам
садзейнічаць прадстаўнікам Узброеных Сіл
РФ у мабілізацыі расійскіх грамадзян, якія нядаўна ўехалі на тэрыторыю Беларусі,
гаворыцца ў паведамленні.
Верагодна, асноўная колькасць расійскіх войск будзе
знаходзіцца ў Гомельскай вобласці.
