>
У Спіс асоб, датычных да экстрэмісцкай дзейнасці МУС
дадало 10 кастрычніка яшчэ 20 чалавек — цяпер у ім 3498 прозвішчаў.
Сярод іх жыхар Мазыра, палітзняволены Антон Хадкевіч.
Ён працаваў інжынерам-энергетыкам у мінскай фірме, якая ў
той час абслугоўвала аб'екты Мазырскага нафтаперапрацоўчага завода.
Антона Хадкевіча затрымалі ў лістападзе 2022 г.
супрацоўнікі гомельскага ГУБАЗіК і АМАП на працоўным месцы. Да суда ён
знаходзіўся ў СІЗА-3. Яго абвінавацілі ў тым, што ён удзельнічаў у
несанкцыянаваных масавых мерапрыемствах (ч. 1 арт. 342 КК) садзейнічаў
«экстрэмісцкай» дзейнасці ( ч. 1 і ч. 2 арт. 361-4 КК РБ) праз
уваходжанне у «экстрэмісцкае» фарміраванне. Апроч гэтага, Антона абвінавацілі ў
паклёпе на Аляксандра Лукашэнку (ч. 1 арт. 367 КК РБ).
Гомельскі абласны суд у закрытым пасяджэнні 22 жніўня 2023 года пакараў Хадкевіча пазбаўленнем волі тэрмінам на тры гады і шэсць месяцаў калоніі ва ўмовах узмоцненага рэжыму.
Справу разглядаў суддзя Алег Харошка.
